آموزش وردپرس

خود شیفته

خود شیفته :
*یه لویی بو لویینه هاکت که من امیرن
اشوات هیا یا پهیا دنیا د من اشون بر

*بیده تا که دیر نبه و حال من جی خبه
بیدین ووجن چی دارن از دم بگی تا به سر

*چمام خبه اوینه را برا جن و وچه را
خویلت بوین پاکیزه از کله تا به کمر

*پوسم ازنه ترمه هم نرمه و هم گرمه
سرمات نبو زمسون از سر شوم تا سحر

*دمم ازنه جارو نرملویه و پر مو
گردگیری که اثاثت از بیخ کیه تا دم بر

*بادبزن هه گوشا من گرمت ببو تو دس گی
یا ووشی د اتش د بخا کباب و جگر

*دندونام هه مرواری ،هم قیمت اساری
نا بنده هایی بر ایه از جواهر گرونتر

*هی بشوات و هی بشوات اول صحب تا دگر
لو ها هما بشتنده حوصلشین برشو سر

*وقتی که اشو از حال ورگه بمه با کوپال
دیش نوا د وله ایکی دونه لوی گر

*چمش ورگه پکاییا یخ ووری وچاییا
بشفهما که اشخوره وی اما و وی اگر

*بیشوات که ای ورگه بویر تو از من
من پوسون و اسخون بویز حیون چاقتر

*ورگه جی خو وشه بو نین حرفا حالیش نبو
هیکلشش فرو دا نبو یه لقمه ویشتر

*چند ساعتی که بویشت ورگه بشو پچش دا
نیم منی پجم و پقال که از لجن بو ود تر

error: Content is protected !!